Xəbərlər
27 Yanvar 2017-cı il tarixində Autolux Azərbaycan şirkəti yeni avtomobil salonunun möhtəşəm açılışını keçirib. Yeni salonda FCA (Fiat Chrysler Automobiles) Group-a aid olan bir sıra brendlərin satışı və servis xidmətləri həyata keçiriləcək.
Yerləşməsinə görə “FCA Group” sıralamasında dünyada birinci olan 1400 m2-lik diller mərkəzi dizayn tərtibatı baxımından “Group”un bütün tələblərinə və standartlarına uyğun təmir olunub. Burada, təqdim olunmuş markaların ən məşhur, eləcə də ən son modelləri təqdim olunub.
Yüksək səviyyədə keçirilmiş açılış mərasimində Jeep brendinin tanınmış modelləri: Jeep Wrangler Rubicon, Jeep Cherokee Limited, Jeep Grand Cherokee Overland və Azərbaycan bazarında ilk dəfə görünən 2017-ci ilin modeli olan Jeep Grand Cherokee Limited avtomobilləri nümayiş olunmuşdur.
Yaxın gələcəkdə Jeep markasının yeni modellərinin təqdimatı gözlənilir. May ayında Azərbaycanda ilk dəfə olaraq yeni Jeep Renegade modelinin təqdimatı olacaq.
2017-ci ilin ikinci hissəsində isə Autolux Azərbaycan şirkəti tərəfindən avtomobiıl həvəskarlarının çoxdan gözlədikləri məhşur Jeep Compass modeli də təqdim olunacaq.